Drauma gadget

Hljóp mitt besta hlaup hingað til. Lengst, hraðast, fallegasta formið, besta andlega formið. Allt bara. Ég er alveg hætt að nota tónlist, nota bara i-pod til að mæla hraða og vegalengd. Og ég fæ svo miklu meira út úr því að hlaupa í þögn. Ég hleyp á götum þar sem er bílaumferð þannig að þó svo að ég svo oftast úti áður en mikil keyrsla fer gang þá er samt öruggara að heyra í þeim bílum sem þeysa hjá. Svo finnst mér gott að heyra andardráttinn minn. Ég get betur stillt hraða og tempó þegar ég heyri hvernig ég anda. Þögnin lætur mig líka hugsa og ég get notað tímann til íhugunar. Stundum get ég slökkt á hugsunum sem er það allra besta. Þá fæ ég alveg frið og kem heim svo endurnærð. Svona eins og að hafa farið í hlaupa Nirvana. Út af þessu öllu saman er ég farin að þrá að eignast Garmin. Ég er búin að skoða það fram og tilbaka og er helst komin á að Garmin 410 henti mér og mínum þörfum best. En hann kostar yfir 200 pund. Er ég tilbúin til að fjárfesta svo svakalega í hlaupum? Ég á náttúrulega engin 200 pund þannig að þetta er svona pipedream en samt. The gadget doth the runner make.

Síðasti dagurinn í fríi per se í dag. Á morgun er bara áætlanagerð og tiltekt áður en aftur verður haldið til vinnu á mánudag. Strákarnir mínir ætla að fara með mig á heilsuvörumarkað og ég ætla að fylla skápa og hirlsur af möndlum og valhnetum og graskersfræjum og macadamianutbutter og spíruðu brauði og kryddum og og og og... Í staðinn ætla ég að bjóða þeim út að borða á stað þar sem þeim finnst gott að borða.

Svo er það bara planið. Og man! er ég með plan núna!